सिद्धार्थ बैंकले तोक्यो बोनस सेयरको बुकक्लोज
बैंकले साधारणसभा चैत ४ गते गर्ने भएको छ । उक्त सभाको विशेष प्रस्तावमा शेयरधनीहरुको लागि १४ प्रतिशत बोनश शेयर पारित गरी वितरण गर्ने रहेको छ । राष्ट्रिय सभागृह, काठमाडौंमा आयोजना हुने सभाले लेखा परीक्षक नियुक्त गर्नेछ ।
अहिले बैंकले १०% हकप्रद पनि बिक्री गरिरहेको छ । सिद्धार्थले हकप्रद बिक्री गर्नुभन्दा अघि कायम चुक्ता पुँजी ६ अर्ब ८४ करोड ४९ लाख ४९ हजारलाई आधार मानेर बोनस सेयर दिन लागेको हो । हकप्रद र बोनसपछि भने चुक्ता पुँजी ८ अर्ब ४६ करोड ४३ लाख ८५ हजार २७२ रुपैयाँ पुग्नेछ ।
बैंकले चालु आर्थिक वर्षको दोस्रो त्रैमासमा ७७ करोड २८ लाख १५ हजार रुपैयाँ खुद नाफा कमाएको छ । सिद्धार्थको प्रतिसेयर आम्दानी (वार्षिक) २२ रुपैयाँ ६४ पैसा र प्रतिसेयर नेटवर्थ १६३ रुपैयाँ ५१ पैसा छ ।
No comments