नेपाली क्रिकेट टोली आज स्वदेश फर्किदै

काठमाण्डौं, चैत ५ – आइसीसी विश्वकप क्रिकेट छनोटका लागि जिम्बावे पुगेको नेपाली क्रिकेट टोली सोमबार साँझ ५.५५ मा नेपाल फर्किदैछ ।

विश्वकप क्रिकेट छनोट प्रतियोगिताबाट एक दिवसीय मान्यता पाएको नेपाली टोली ऐतिहासिक सफलताका साथ फ्लाई दुबईबाट देश फर्किन लागेको हो ।

प्रतियोगिताका ६ मध्ये दुई खेलमात्रै जिते पनि एशोसिएट राष्ट्रहरुमा तेस्रो हुँदै नेपालले आगामी चार वर्षका लागि एक दिवसीय मान्यता पाएको छ । समूह चरणमा हङकङलाई जितेको नेपालले पहिलो प्लेअफ खेलमा पपुवा न्यूगिनीलाई हराउँदै एकदिवसीय मान्यता निश्चित गरेको हो ।

सातौं स्थानका लागि भएको खेलमा भने नेदरल्याण्ड्ससँग ४५ रनले हारेको नेपाल आठौं स्थानमा सीमित रहयो।