चलचित्र ‘कोहलपुर एक्सप्रेस’ को ट्रेलर सार्वजनिक

चलचित्र ‘कोहलपुर एक्सप्रेस’ को ट्रेलर सार्वजनिक भएको छ । बुधवार राजधानीमा आयोजित सार्वजनिक गरिएको ट्रेलरमा कमेडी संवादलाई प्राथमिकता दिइएको छ ।
 बैशाख १४ गतेबाट प्रदर्शनमा आउने फिल्मका निर्देशक विशाल भण्डारी हुन् । यसअघि उनले दर्जनौं म्यूजिक भिडियो निर्देशन गरेता पनि फिल्म निर्देशन उनको यो पहिलो हो । अभिनेत्री त्रय प्रियंका कार्की, ऋचा शर्मा र केकी अधिकारीको लिड रोल रहेको चलचित्रलाई केकीको ब्यानर ‘जुनकिरी आर्टस्’ बाट निर्माण भएको चलचित्रमा बारमा नृत्य गर्ने एक युवतीको भूमिका निर्वाहा गरेकी छिन् ।

ट्रेलरमा पैसाका लागि पात्रबीचको तनाब देखाइएको छ । विनोद न्यौपाने, बुद्दी तामाङ, रविन्द्र झा, कुशाग्र भट्टराईलगायतका कलाकारहरुको पनि अभिनय रहेको फिल्मको कथा निर्देशक भण्डारी आफैंले लेखेका हुन् ।

अर्जुन तिवारीको छायांकन रहेको फिल्ममा भद्र बहादुर शाही, देवी लाल न्यौपाने पण्डित र शिव प्रसाद चौलागाई ‘कोहलपुर एक्सप्रेस’ को निर्माताका रुपमा रहेका छन् ।