बल ट्याम्परिङपछि कप्तान स्मिथ र वार्नरलाई प्रतिबन्ध

 
काठमाण्डौं, चैत १४ –  अस्ट्रेलियाली क्रिकेटको नियामक निकाय ‘क्रिकेट अस्ट्रेलिया’ले कप्तान स्टिभ स्मिथ र उपकप्तान डेभिड वार्नरलाई एक वर्षका लागि प्रतिबन्ध लगाएको छ ।

‘बल ट्याम्परिङ’ को घटनालाई लिएर उनीहरूमाथि उक्त कारबाही गरिएको हो ।

स्वरूप बिगार्ने खेलाडी क्यामरन ब्यान्क्रोफ्टलाई चाहिँ नौ महिनाको प्रतिबन्ध लगाइएको छ ।

शुक्रवार चौथो टेस्ट सुरु हुनुपूर्व उनीहरू तीनै जनालाई घर फर्काइएको छ ।