विश्वकप फुटबलमा भीएआर प्रविधि प्रयोग हुने

काठमाडौं, फागुन २० – फुटबलको विश्व प्रशासकीय निकाय- फिफाले फुटबल प्रतियोगिताहरुमा भीएआर भनिने भिडिओ असिस्टेन्ट रेफ्री प्रविधि प्रयोग गर्ने विषय सर्वसम्मत पारित गरेको छ ।

स्वीट्जरल्याण्डको ज्यूरिकमा भएको फिफाको ऐतिहासिक बैठकले त्यस्तो निर्णय गरेको हो ।

उक्त बैठकमा अन्तर्राष्ट्रिय फुटबल असोसिएसन बोर्डका सदस्य राष्ट्रहरु माझ भीएआर प्रविधिको प्रभावकारिताबारे विश्लेषण प्रस्तुत गरिएको थियो ।