भावी प्रधानन्यायाधीशका लागि तीनजनाको नाम संवैधानिक परिषद्मा पठाईयो

 

काठमाण्डौं, चैत १३ –  भावी प्रधानन्यायाधीशका लागि न्याय परिषद्ले सर्वोच्च अदालतका वरिष्ठतम मध्येका ३ जना न्यायाधीशको अभिलेख संवैधानिक परिषद्‌मा पठाउने निर्णय गरेको छ ।

परिषद्‌ले सर्वोच्च अदालतका कायममुकायम प्रधानन्यायाधीश दीपकराज जोशी, न्यायाधीशद्वय ओमप्रकाश मिश्र र चोलेन्द्र शम्सेर राणाको नाम संवैधानिक परिषद्‌मा पठाएको हो ।

प्रधानन्यायाधीशका लागि सर्वोच्च अदालतमा ३ वर्ष काम गरेको पुग्नुपर्ने व्यवस्था छ ।

नेपालको संविधानको धारा २८४ को उपधारा ३ बमोजिम न्यायपरिषद्ले अभिलेख पठाएपछि संवैधानिक परिषद्‌ले प्रधानन्यायाधीशको सिफारिस गर्ने व्यवस्था छ ।

संवैधानिक परिषद्‌को सिफारिसपछि संसदीय सुनुवाई विशेष समितिबाट अनुमोदन भएपछि मात्रै राष्ट्रपतिले नियुक्त गर्ने संवैधानिक प्रावधान छ ।