गुण्डा नाइके गणेश लामा पेस्तोल र गोलीसहित पक्राउ

काठमाडौं, चैत १ – गुण्डा नाइकेको रुपमा चिनिने गणेश लामा पक्राउ परेका छन् ।

बुधबार राती गौशालास्थित पशुपति भिजन होटलमा गोली चलेपछि उक्त होटल पुगेको काठमाडौं प्रहरी परिसरको टोलीले होटलबाट आपराधिक गतिविधिमा मुछिँदै आएका गणेश लामालाई पक्राउ गरेको हो ।

गोली कसलाई र किन चलाएको भन्ने बारे केही खुलेको छैन । लामालाई हिरासतमा राखेर अनुसन्धान भइरहेको काठमाडौं प्रहरी परिसरले जनाएको छ । 

लामाबाट प्रहरीले पेस्तोल र त्यसमा प्रयोग हुने ६ राउन्ड गोलीसहित पक्राउ गरीएको काठमाडौं प्रहरी परिसरका प्रमुख एसएसपी विश्वराज पोखरेलले जानकारी दिए ।

लामालाई कांग्रेसले काभ्रे क्षेत्र नम्बर १ ‘ख’ बाट प्रदेशसभा सदस्यको  उम्मेदवार बनाएको थियो ।